Khotbah Jumat Bahasa Jawa: Perangan Rezeki Wonten ing Islam, Bandha Sanes Kang Utama
 |
| Khotbah Jumat Bahasa Jawa: Perangan Rezeki Wonten ing Islam, Bandha Sanes Kang Utama |
Dening: Wakhid Syamsudin
Khotbah I
إِنَّ الْحَمْدَ لِلهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلَـهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ
اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ. أَمَّا بَعْدُ
عِبَادَ اللهِ، أُوْصِيْكُمْ وَنَفْسِيْ بِتَقْوَى اللهِ عَزَّ وَجَلَّ حَيْثُ قَالَ تَبَارَكَ وَتَعَالَى، أَعُوْذُ بِاللهِ مِنَ الشَّيْطَانِ الرَّجِيْم
يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا
يَا أَيُّهَا الَّذِيْنَ آمَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُّسْلِمُوْنَ
يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
فَإنّ أَصْدَقَ الْحَدِيْثِ كِتَابُ اللهِ، وَخَيْرَ الْهَدْىِ هَدْىُ مُحَمّدٍ صَلّى الله عَلَيْهِ وَسَلّمَ، وَشَرّ اْلأُمُوْرِ مُحْدَثَاتُهَا، وَكُلّ مُحْدَثَةٍ بِدْعَةٌ وَكُلّ بِدْعَةٍ ضَلاَلَةً، وَكُلّ ضَلاَلَةِ فِي النّارِ. أَمَّا بَعْدُ
Ma’asyiral muslimin jamaah Jumah rahimakumullah.
Puji lan syukur katuraken dhumateng ngarsanipun Allah Ta’ala, Dzat Ingkang Maha Kuwaos lan Ingkang Maha Welas ugi Asih. Namun dhumateng piyambakipun kita manembah lan nyuwun pitulungan.
Shalawat ugi salam mugi tansah kalimpahaken dhumateng Rasulullah Muhammad SAW. Sumrambah dhumateng keluarga lan para sahabatipun. Mugi kita sedaya pinaringan syafa’atipun benjang ing dinten kiyamat, amin.
Sumangga kita sedaya tansah hambudidaya lan ningkataken takwa dhumateng Allah Ta’ala kanthi saestu-estunipun takwa. Kita tindakaken sedaya punapa ingkang dados titahipun lan kita tilar sedaya punapa ingkang dados pepacuhipun Allah SWT. Awit saking menika karakter mukmin ingkang sejatosipun.
Allah Ta’ala paring pangandikan,
يَا أَيُّهَا الَّذِيْنَ آمَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُّسْلِمُوْنَ
“He para wong Mukmin kabeh, sira padha wedia ing Allah kalawan sajatining wedi, Ian sira aja padha mati, kajaba mati Islam.” (QS. Ali Imran: 102)
Ma’asyiral muslimin jamaah Jumah rahimakumullah.
Saben menungsa ing donya niki mesthi kepengin pikantuk kathah rezeki. Nanging, pangerten babagan rezeki kadhang kala winates mung marang bab-bab kang sifate materi kemawon, kaya bandha lan kasugihan.
Estunipun, wonten ing ajaran agami Islam, rezeki nduweni makna langkung jembar, mboten namung sakadar rezeki arupa bandha. Syeikh Muhammad Mutawalli Asy-Sya'rawi, sawijining ulama ageng saking Mesir, ngandharaken pandangan kang jero babagan tingkatan-tingkatan rezeki kang bisa kita ginakaken dados tuntunan gesang.
المَالُ هُوَ أَدْنَى دَرَجَاتِ الرِّزْقِ وَ العَافِيَةُ أَعْلَى دَرَجَاتِ الرِّزْقِ وَ صَلَاحُ الأَبْنَاءِ أَفْضَلُ أنْوَاعِ الرِّزْقِ وَ رِضَا رَبِّ العَالَمِينَ فَهُوَ تَمَامُ الرِّزْقِ
Ingkang artosipun: “Bandha iku rezeki kang paling endhek. Kasehatan iku rezeki kang paling dhuwur. Anak kang saleh iku rezeki kang paling utama. Dene ridha Allah iku rezeki kang sampurna.”
Panjenenganipun merangaken rezeki dados sekawan tingkatan, inggih menika: bandha minangka tingkatan paling andhap, kasihatan minangka tingkatan paling dhuwur, anak kang saleh minangka rezeki utama, lan ridho Allah minangka pucuk kasampurnan rezeki.
Bandha minangka Tingkatan Paling Andhap
Ma’asyiral muslimin jamaah Jumah rahimakumullah.
Bandha pancen kalebu salah sawijining wujud rezeki ingkang umum, ananging kedah dipun sadari bilih bandha menika sanes rezeki ingkang utama. Wonten ing Islam, bandha menika amanah kang kedah dikelola kanthi sae, manut syariat. Al-Qur’an lan hadis kathah ngajaraken babagan kewajiban zakat, infak, lan sedekah minangka cara kanggo nyucekaken bandha. Nanging, bandha namung sifate sawetara lan isa ilang kapan wae.
Allah SWT ngendika wonten ing Al-Qur’an Surat Al-Hadid ayat 20 ingkang ungelipun:
اِعْلَمُوْۤا اَنَّمَا الْحَيٰوةُ الدُّنْيَا لَعِبٌ وَّلَهْوٌ وَّزِيْنَةٌ وَّتَفَاخُرٌۢ بَيْنَكُمْ وَتَكَاثُرٌ فِى الْاَمْوَالِ وَالْاَوْلَادِۗكَمَثَلِ غَيْثٍ اَعْجَبَ الْكُفَّارَ نَبَاتُهٗ ثُمَّ يَهِيْجُ فَتَرٰٮهُ مُصْفَرًّا ثُمَّ يَكُوْنُ حُطٰمًاۗوَفِى الْاٰخِرَةِ عَذَابٌ شَدِيْدٌۙوَّمَغْفِرَةٌ مِّنَ اللّٰهِ وَرِضْوَانٌۗوَمَا الْحَيٰوةُ الدُّنْيَاۤ اِلَّا مَتَاعُ الْغُرُوْرِ
Artosipun: “Mang sumerepi, satemene gesang wonten ing donya menika namung dolanan lan ubarampenan kemawon, minangka perhiasan saha gumunggung antarane panjenengan sedaya, sarta pamer babagan kathahing bandha lan anak. Kadosdene udan ingkang tanduranipun damel gumun tiyang tani; salajengipun tanduran punika dados garing, lan panjenengan sami sumerep menawi wernanipun kuning, lajeng dados lebur. Wonten ing akherat (tembe) wonten siksa ingkang awrat saha pangapunten saking Allah lan ridha-Nipun. Satemene, gesang wonten ing donya punika namung kesenengan ingkang apus-apus.” (QS. Al-Hadid: 20)
Bandha minangka rezeki kang paling andhap amargi sanadyan saged kangge nyekapi kabetahan fisik, bandha mboten saged njamin kabagyan sejati ugi mboten saget migunani kangge akherat tanpa niat ingkang bener.
Kasehatan minangka Rezeki Paling Dhuwur
Kasehatan menika estunipun rezeki ingkang luwih dhuwur ketimbang bandha. Tanpa kasehatan, tiyang badhe sisah anggenipun nindakaken ibadah, pados panguripan, lan kagiatan sanese. Pramila, njagi kasehatan liwat gaya urip ingkang sehat lan syukur marang kasehatan kang dipun paringaken menika dados setunggalipun wujud ibadah. Rasulullah SAW nate ngendika:
مَنْ أَصْبَحَ مِنْكُمْ مُعَافًى فِي جَسَدِهِ آمِنًا فِي سِرْبِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا
Ingkang artosipun: “Sok sintena kemawon ingkang wonten enjing ing kaanan sehat badane, rumaos aman ing griyane, saha kagungan sekedhik panganan kangge dinten punika, mila kados-kados sedaya donya punika sampun dipun kumpulaken kagem piyambakipun.” (HR. Ibnu Majah).
Ma’asyiral muslimin jamaah Jumah rahimakumullah.
Kasehatan menika mujudaken rezeki ingkang ndadosaken kita saged ngraosaken nikmat lan manfaataken bandha kang diparingi Allah. Ananging ampun ngantos ndadhosaken kita sedaya lalai. Mangga sami emut nasihat Rasulullah Muhammad SAW wonten hadis:
نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ، اَلصِّحَّةُ وَالْفَرَاغُ
Ingkang artosipun: “Wonten kalih kenikmatan ingkang asring damel tiyang kathah kalepatan utawi kesupen, inggih punika kasehatan lan wekdal longgar.”
Pramila menika kita sedaya kedah pinter anggenipun migunakaken nikmat sehat ugi kesempatan wekdal longgar kangge ngathahaken ibadah marang Allah SWT. Ampun ngantos rugi amargi kleru anggenipun ginakaken kasehatan lan wekdal longgar kangge tumindak dosa lan maksiat.
Anak kang Saleh minangka Rezeki Utama
Ingkang salajengipun, anak kang saleh minangka rezeki kang utama. Anak saleh iku investasi jangka panjang kang bakal nggawa manfaat kanggo tiyang sepuh sanadyan wus seda. Anak-anak ingkang dipun didik kanthi ajaran agami bakal nerusake kabecikan, nyebarake manfaat, lan ndongakaken tiyang sepuh kekalih. Donga anak kang saleh dados pahala ingkang mboten wonten telase kanggo wong tuwane, utawi ingkang kawastanan amal jariyah.
Kados ingkang dipun ngendikaken Rasulullah SAW wonten hadisipun:
إِذَا مَاتَ ابْنُ آدَمَ انْقَطَعَ عَمَلُهُ إِلَّا مِنْ ثَلَاثٍ: صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ
Ingkang cara Jawinipun: “Menawi anak Adam (manungsa) sampun tilar donya, mila pedhot sedaya amalipun, kajawi tigang perkawis, inggih punika sedekah jariyah (sedekah ingkang pahalane tetep mili), ilmu ingkang migunani, tuwin anak saleh ingkang tansah ndedongakake.” (HR. Muslim)
Pramila saking menika, ndidik putra supados saged dados pribadi ingkang saleh menika minangka tugas utami tiyang sepuh supaya pikantuk kabagyan wonten ing donya, punapa dene samangke wonten ing akherat.
Ridha Allah minangka Pucuk Kasampurnan Rezeki
Ma’asyiral muslimin jamaah Jumah rahimakumullah.
Puncak lan hakikat saking rezeki menika kanthi pikantuk ridhanipun Allah SWT. Ridha Allah dados perangan rezeki paling dhuwur, awit iku wujud sih-rahmatipun Allah kang sampurna. Tiyang ingkang gesangipun dipun ridhai Allah bakal kaparingan ketenangan, kabagyan, tuwin keberkahan ing samudayanipun.
Ridha Allah tartamtu mboten gumantung saking kathahe bandha utawa inggilipun jabatan, ananging saking tulusipun manah anggenipun patuh ngibadah nuhoni punapa ingkang dados dhawuh saking penjenenganipun Allah SWT.
Allah SWT sampun paring pangandikan wonten ing Al-Qur’an Surat Al-Bayyinah ayat 8, mekaten waosanipun:
جَزَاۤؤُهُمْ عِنْدَ رَبِّهِمْ جَنّٰتُ عَدْنٍ تَجْرِىْ مِنْ تَحْتِهَا الْاَنْهٰرُ خٰلِدِيْنَ فِيْهَاۤ اَبَدًاۗرَضِىَ اللّٰهُ عَنْهُمْ وَرَضُوْا عَنْهُۗذٰلِكَ لِمَنْ خَشِىَ رَبَّهٗ٪
Artosipun: “Balesan kangge wong-wong mau ing sandhingan Pangeranipun yaiku swarga 'Adn ing ngandhapipun mili kali-kali; kagem sami langgeng ing salawase. Allah ridha dhumateng wong-wong mau, lan ugi sami ridha dhumateng Panjenengane. Pramila punika dados balesan kangge tiyang ingkang ajrih dhumateng Pangeranipun.” (QS. Al-Bayyinah : 8)
Cetha sanget bilih ridha ing ngarsanipun Allah menika minangka rezeki ingkang paling sampurna amargi menika kabagyan kang sejati lan keberkahan kang abadi ing donya ngantos samangke ing akherat. Mangga sami mbudidaya saged nggayuh ridhanipun Allah SWT.
Kanthi mengertosi perangan kang bener bab rezeki ngajaraken dumatheng kita kanggo syukur marang saben nikmat ingkang dipun paringaken saking ngarsanipun Allah, sae menika arupi bandha lan kasehatan, ugi anak saleh lan ridhanipun Allah SWT.
Ma’asyiral muslimin jamaah Jumah rahimakumullah.
Kita diajaraken mboten namung ngandelake bandha, nanging uga ngutamake kasehatan, menehi kawigatosan marang pendidikan anak supaya dados anak saleh, lan ngupaya nggayuh ridha Allah SWT ing saben tumindhak. Kanthi mangkono, kita saget nglakoni gesang kang luwih migunani, miguna, lan diridhani dening Allah SWT.
بَارَكَ اللهُ لِيْ وَلَكُمْ فِيْ الْقُرْأَنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْأَيَاتِ وَالذِّكْرِ الْحَكِيْمِ، وَتَقَبَّلَ اللهُ مِنِّيْ وَمِنْكُمْ تِلاَوَتَهُ إِنَّهُ هُوَ السَّمِيْعُ الْعَلِيْمِ، وَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ
Khotbah II
اَلْحَمْدُ لله الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ، لِيُظْهِرَهُ عَلَى الدِّيْنِ كُلِّهِ وَكَفَى بِاللهِ شَهِيْدًا، أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اللَّهُمَّ صَلِّ عَلَى مُحَمَّدٍ وَعلى آله وَصَحْبِهِ أَجْمَعِيْنَ
إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا
اللهُمَّ صَلِّ وَسَلِّمْ عَلَى مُحَمَّدٍ وَعَلَى آلِ مُحَمَّدٍ وَعَلى آلِهِ وِأَصْحَابِهِ أَجْمَعِينَ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ، إِنَّكَ قَرِيْبٌ مَجِيْبُ الدَّعَوَاتِ
ربَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ
رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَءُوفٌ رَّحِيمٌ
سُبْحَانَ رَبِّكَ رَبِّ الْعِزَّةِ عَمَّا يَصِفُونَ وَسَلَامٌ عَلَى الْمُرْسَلِينَ وَالْحَمْدُ لِلَّهِ رَبِّ الْعَالَمِينَ
عِبَادَ اللهِ! إِنَّ اللهَ يَأْمُرُ بِاْلعَدْلِ وَاْلإِحْسَانِ، وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ، وَاْلبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ اْلعَظِيْمَ يَذْكُرْكُمْ، وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرُ، أَقِيْمُوا الصَّلَاةَ.
Get notifications from this blog
Silakan berkomentar dengan sopan sebagai ajang silaturahmi sesama kita.